PAKAAMMO ITI PUBLIKO
PUBLIC NOTICE
TI PATINGGA TI PANAGAPLAY ITI DUA KET OKTUBRE 26, 2023
DEADLINE FOR SUBMITTING DUA APPLICATION IS OCTOBER 26, 2023
Ti Hawaii Department of Labor and Industrial Relations (DLIR) ket umaw-awat kadagiti aplikasion para iti Disaster Unemployment Assistance (DUA). Dagiti aplikasion iti DUA ket masapul a maisumitir saan a naladladaw ngem Oktubre 26, 2023. Dagiti aplikasion a maisumitir kalpasan ti patingga ti panagaplay ket maibilang a naladawen, ket mabalin a saan a maited dagiti benepisio ti DUA malaksid no mangipaay ti indibidual iti nasayaat a rason iti naladaw a panagipasana.
KASANO KEN SADINO TI PAGAPLAYAN: Dagidiay agkiddaw iti tulong mabalinda ti agaplikar para iti DUA iti online babaen ti huiclaims.hawaii.gov/#/ wenno personal a mapan agsumitir iti aplikasion. No agpatulongka maipapan iti panagaplay iti DUA ken dadduma pay a form, mabalinmo ti mapan iti aniaman kadagitoy a lokasion:
• Disaster Recovery Center
Lāhainā Civic Center Gymnasium
1840 Honoapi‘ilani Highway, Lāhainā, HI 96761
• Maui Claims Office
54 South High St. Rm. 201, Wailuku, HI 96793-2198
Telepono: (808) 984-8400
• American Job Center Hawaii-Maui
110 Ala’ihi St. #209, Kahului, HI 96732
Telepono: (808) 270-5777
Silulukat ti DUA kadagiti kualipikado nga awanan trabaho nga empleado, addaan-bukod-a-trabaho, mannalon, ken mangngalap a madama ti panagtrabahona idi napasamak ti didigra. Matingiting no kualipikado kadagiti benepisio ti DUA iti kada lawas nga agkiddawka iti tulong.
Kasapulan ti mangited iti pammaneknek a dokumento nga mangipakita a sika ket empleado, addaan-bukod-a-trabaho, wenno dokumento nga mangipakita ti trabaho a mangrugi koma idi kaaldawan ti didigra wenno trabaho a mapasamak koma kalpasan ti aldaw ti didigra. Nu saan a maited detoy a dokumento iti oras nga agisumitir iti aplikasion, adda 21 nga aldaw a gundaway tapnu maisumitir detoy. Detoy a gundaway ket mangrugi manipud iti aldaw a nagsumitir ka iti aplikasion. Nu saanmo maited dagiti masapul a dokumento iti unos kadetoy 21 nga aldaw a naited a pattiwaymo, maawan bisan iti aplikasion mo para DUA ket anyaman a benepisio a naawatmon ket maiyarig a sobra a naited kenka. Anyaman a sobra a benepisio a naawatmo ket masapul nga isublim.
Nu kasapulam ti tulong maipanggep iti aplikasion, umawag kadagitoy a numero: (833) 901-2272, (808) 762-5751, (833) 901-2275, wenno (808) 762-5752. Adda libre nga serbisio iti paraipatarus.
